Denbora gutxi izan arren, gauza goxoak egitea ez da uste dugun bezain zaila. Osagai sinpleenak erabilita negurako aproposa den postre sinple hau dakarkizuet, gosari bezala ere egin daitekena.
Osagaiak:
- Esnea
- Oloa (abena)
- 4 marrubi
- Platano 1
- Koko birrindua (56 zentimo inguru balio ditu poltxatxoak supermerkatuan eta asko irauten du)
- Kanela
- Txokolate beltza
Nola prestatu:
- Lehenengo bota esnea, kanela eta oloa kazola batean eta hasi pixkanaka-pixkanaka berotzen, erre ez dadin. Esnea eta oloa orekatuta egon behar dira, bestela likido gehiegi izango du nahasketak.
- Kanela bi motatakoa izan daiteke: hautsean poto barruan datorrena edo kanela makiltxoak. Nik hasieran botatzea gomendatzen dizuet, esneak zaporea ondo har dezan.
- 8 minutu inguru pasa ostean katilu batera botako dugu nahasketa.
- Platanoa eta marrubiak zatitu eta gainean jarriko ditugu.
- Kokoa botako diogu.
- Azkenik, txokolatea jarriko dugu gainean urtu dadin.
On egin!