Gabonetan ondo jatea gustatzen zaigunez, gaur egun hauetan egin dudan errezeta bat dakarkizuet: bakailaoa tomate saltsan. Kasu honetan kantitatea ez da indibiduala izan, lau pertsorarentzako prestatu dut.
Osagaiak:
- 1 Tipula
- 2 baratxuri
- Kilo 1 tomate
- Gatza
- Oliba olioa
- Bakailaoa
- Arrautzak
Nola prestatu:
- Lehenik eta behin, saltsa egiten hasiko gara.
- Tomateei azala kendu eta irabiagailu batekin txikituko ditugu.
- Zartaginean 3 koilarakada oliba olio botako ditugu.
- Tipula txikitu eta zartaginean jarriko dugu sua baxu jarrita, egiten joan dadin.
- Baratxuriak txikituko ditugu eta tomatea eta tipularekin batera zartaginean nahastuko ditugu sua baxu jarrita.
- Bakailao zatiak hartu eta arrautzetan bustiko ditugu.
- Bakailaoa kazola batean sartu eta sukaldatzen hasiko gara, sua oso baxu jarrita eta bi koilarakada olio botata.
- Pixka bat egindakoan saltxa dagoen zartaginean sartuko ditugu bakailao zatiak.
- Ordu bete inguru izango dugu dena zartaginean poliki-poliki egiten.
On egin!