Errezeta hau benetan erraza da eta dendan merke ditugun produktuekin egitekoa. Betiko tomatedun makarroiak edo makarroi entsaladak alde batera utzita, errezeta hau probatzeko garaia iritsi da.
Osagaiak:
- 2 azenario
- Brokoli 1
- Gatza
- Makarroi integralak
- Piperbeltza
- Almendrak
Nola prestatu:
- Makarroiak irakiten jarriko ditugu. Integralak direnez pixka bat gehiago eduki beharko ditugu sutan.
- Azenarioak eta brokolia txikitu eta zartagin batean prestatzen hasiko gara, sua baxu jarrita eta olio gutxirekin (hasieran 6 edo 7 tenperatura inguruan eta gero 5 edo 4-ra jaitsiz).
- Almendrak pixka bat zatitu eta brokolia eta azenarioa dauden zartaginera botako ditugu.
- Nahasketa honi gatza eta piperbeltza botako dizkiogu.
- Makarroiak 12 minutuz izango ditugu sutan eta barazkiak 20 minutuz gutxi gorabehera, bigun geratu daitezen.
- Makarroiak prest daudenean uretatik atera eta barazkiekin nahastuko ditugu zartaginean, ur guztia kenduta. Dena batera sukaldatuko dugu pare bat minutuz.
On egin!