Oraingoan Google Chromek eskeintzen duen luzapen bati buruz hitz egitera natorkizue. Izenburuan irakur daitekeen bezala, 'Reminder' da bere izena eta niri behintzat asko gustatzen zait. Honen erabilera oso erraza da eta gainera bere funtzioa oso beharrezkoa iruditzen zait gauza asko egiteke dutenentzat.
Oraindik ez dakizue zeri buruz ari natzaizuen hizketan?
'REMINDER' hitzorduak, zereginak, jazoerak eta abarrekoak gogoan izatea ahalbidetzen duen luzapena da.
Izan ere, bere logoa kanpai bat da, alarma edo abisua irudikatzen duena.
Instalatzea oso zeregin erraza da: google-en bilatu eta instalatzeko klik bakarra baino ez duzu egin behar. Ondoren, edozein bilatzailean topa dezakezu.
Bestalde, erabileran oso sinple eta funtzionala da. Gauzak programatzea nahiko gauza intuitiboa da, eta hori da nire ustez hoberena.
Gainera gaur egun denbora asko gabiltzala interneten, hor bertan oroigarriak izatea ezinbestekoa dela uste dut.
Uste dut honi buruz gehiago azaltzea ez dala beharrezkoa, hoberena bakoitzak probatu eta bere iritzia partekatzea izango litzatekeelako.
Besterik gabe esango dizuet niretzat oso erabilgarria eta potentea iruditzen zaidan eta dudarik gabe edonori gomendatuko niokeen luzapena dela.
Kaosaren erdian, ordena.