Google Drive Google enpresa estatubatuarrak sortutako aplikazioa da. Zerbitzua 2012ko apirilaren 24ean kaleratu zen aurreko Google Docs erremplazatuz. Artxiboak hodeiean gordetzeko da eta erabiltzaile bakoitzak 15GB-eko dohaneko biltegiratzea du hauek gordetzeko.
Biltegiaren tamaina handitu nahi izanez gero hilean diru kantitate bat ordaindu beharko du erabiltzaileak, ordainketa plan ezberdin bitartez. Drive merkaturatzean, Googlek bateratu egin zuen erabiltzaile bakar batentzat eskuragarri zegoen biltegiratzea; hala, 15 GB horietan gordetzen dira Gmailen posta elektronikoko mezuak eta 2048 × 2048 pixeletik gorako Google+eko irudiak ere.
Zerbitzua IOS eta Android sakeleko tlelefonoetarako da go eskuragarri eta honako gailuetarako ere bai: Windows XP, Windows Vista, Windows 7 eta Windows 8 eta Windows 10, NTFS partizioak erabiltzen dituztenak, edo Mac os x 10.6 (Snow Leopard) edo goragokoa; telefono adimendunak eta tabletak Android 2.1 (Eclair) edo goragokoa; iPhoneak eta iPad-ak iOS 5.0 edo goragokoa. Sistema horiez gain, Sundar Pichaik esan zuen Google Drive oso ondo integratuta egongo zela Chrome os sistemarekin.
Google Drivek ere aplikazio hauek ditu bere baitan: Googleren dokumentuak, Googleren aurkezpenak eta Googleren kalkulu-orriak (ofizialki Google Docs, Slides, Sheets) webean oinarritutako doako programa bat da, dokumentuak taldean elkarlanean aritzeko aukera ematen duena. Testu-prozesadorea, kalkulu-orria, oinarrizko aurkezpen-programa, marrazki-sortzailea eta inkestetarako formularioen editorea barne hartzen ditu. Google Docs, Gmail, Google Calendar eta Google Talkekin batera; 2009ko uztailaren 7an, Beta kalitatea utzi eta produktu bukatuak izatera pasa ziren. 2010eko urtarriletik aurrera Google Docs-en edozein artxibo onartzen hasi zen, online biltegiratzearen negozioan gehienez GB 1 sartuz (kostu gehigarriengatiko hedapenekin) eta Google Chrome OS-erako bidea prestatuz.
Hauek dira bere biltegiratzearen ordainketa planak:
| Biltegiratzea | Prezioa |
| 15 GB | Dohanekoa |
| 100 GB | 1, 99 € hilean |
| 1 TB | 9, 99 € hilean |
| 2 TB | 19, 99 € hilean |
| 10 TB | 99, 99 € hilean |
| 20 TB | 199, 99 € hilean |
| 30 TB | 299, 99 € hilean |