Zure ohiko nabigatzailean (Brave, kasu) denetariko luzapenak eta lasterbideak eranstearen zalea bazara, baliteke WhatsGreen MultiMessenger ezagutzea, edo ezagutu nahi izatea, behintzat. WhatsGreen gure sareko jardueraren alde sozialenean kokatzen da. Tresna honi esker, sarbide erraza izango dugu Telegram, Facebook Messenger edo Line-n gisako mezularitza-zerbitzu ugaritara; baita Twitter edo Instagram bezalako sare sozialetara ere.
Hurrengo irudian ikus daitekeenez, luzapen honetan klikatu bezain laster WhatsGreen-en hasiera pantaila irekiko zaigu, bertan topa ditzakegun sare sozial eta zerbitzuen zerrendarekin. Horietako bakoitzean datu eta pasahitz pertsonalak sartuta, pauso bakarrean aurkituko ditugu gogoko gune guztiak, batetik bestera erraz igarotzeko aukerarekin, gainera.
RSTech YouTubeko erabiltzaileak bere kanalera igotako bideoan tresna honen funtzionamendua azaltzen digu (ingelesez), nola erabili ez jakitekotan edo, besterik gabe, WhatsGreen ezagutu nahi izatekotan ikusgai izango duguna:
Era berean, Brave-n nabigatzearen erabakiaren onura ere azpimarratu nahi nuke, BAT kripto txanponaren unitateak eskuratzeko aukera emango diguna, aurrerago diru bilakatuz.
Bizi ezazu bizitza erosoago bat, batu zaitez luzapenen esperientziara!