Zure nabigatzailearen abiadurarekin arazoak dituzu? Arazo honi aurre egiteko Clean Master luzapena aurkezten dizuegu.
Nabigatzaileek erabiltzaile gisa gure esperientzia hobetzeko asmoarekin hainbat datu gordetzen dituzte, baina batzuetan honek gure kontra joka dezake, nabigatzailearen abiadura moteltzen. Gordetzen diren datu hauen artean guztiok ezagunak ditugun historiala eta cookieak daude, baina hauetaz gain badaude ikusi ahal ez ditugun beste datu batzuen pilaketak nabigatzailearen abiaduran eragina dituztenak, cachea, webguneen biltegiratzea eta zabor fitxategiak adibidez.
Lehen hau konpontzeko eskuz eta banan-banan joan behar ginen datu hauek ezabatzen, baina orain Clean Masterrek, android eta PC garbiketa programa arrakastatsuak, Google Chrome eta Chromiumen oinarritutako nabigatzaileentzat atera duen luzapenari esker klik bakarrean egin dezakegu.
Honetaz gain, Clean Masterrek gure pribatutasuna zaintzen laguntzen du, pasahitzak eta gure informazio pertsonala ezabatzeko aukera ematen duelako.
Luzapenaz aparte, ordenagailuan edo telefono mugikorrean abiadura zein memoria arazoak badituzue, Clean Masterrek duen ordenagailu-programa eta appa deskargatzea gomendatzen dizuegu, luzapena bezala, guztiz dohainik dena, eta oso emaitza onak ematen dituena.