Hasteko, esan beharra daukat ni ez naizela elikagaietan aditua. Jatea gustuko duen pertsona naiz eta batzuetan presaka ibiltzen dena. Bi gauza horiek kontuan hartuta, gaur errezeta hau dakarkizuet: arrautza frijituak barazki gainean. Hauek dira erabili ditudan osagaiak:
- Piper gorri 1
- Patata ertain 1
- Kuiatxo edo kalabazin 1
- 2 arrautza
- Gatza
- Espeziak bakoitzaren gustura, piperbeltza etabiliko dut nik.
Kantitateak gustuaren eta gosearen arabera alda daitezke. Denbora: 15 minutu.
- Hasteko, txikitu patata, piper gorria eta kuiatxoa zati txikietan.
- Sua baxu jarrita, bota piper gorria eta kuiatxoa zartagin batean. Sua ez dugu asko igoko , helburua ez delako barazki hauek frijitzea, biguntzea baizik. Bota gatz pixka bat eta piperbeltza.
- Beste zartagin batean patata zatiak botako ditugu. Hau su altuan jarriko dugu hasiera batean, eta gero pixka bat jaitsiko dugu, erre ez daitezen.
- Patata eginda dagoela erraz jakingo dugu, eta beste barazkiak bigun eta saldatxoarekin egotea lortu behar dugu.
- Hauek egindakoan, patata frijitzeko zartagina hartu eta bi arrautza frijituko ditugu.
- Azkenik, barazkiak plater batean jarriko ditugu, eta bi arrautzak gainean.
On egin!