NewsTab gustuko ditugun eta jarraitzen ditugun hedabide, editore eta sare sozialetatik interesatzen zaizkigun gaien inguruko informazioa jasotzeko, gordetzeko eta nahi dugunean irakurtzeko balio duen luzapena da.
Aplikazio honen helburua, "infoxikazioa" hain handia den eta informazioa argitaratzen duten hainbeste iturri dauden garaietan, bakoitzari, era pertsonalizatuan, aukeratutako hedabide edo sare sozialen bidez informazioa jasotzeko aukera ematea da.
NewsTab-ek 130 herrialderi buruzko informazioa jasotzeko aukera ematen du, hainbat hizkuntzatan. Aipatu bezala, erabiltzaileak nahi dituen informatzaile eta gaiak aukeratzen ditu. Ez ditu gainera hedabide globalak bakarrik biltzen, lokalak jarraitzeko aukera ere ematen baitu.
Gaiak askotarikoak izan daitezke: titularrak, kirolak, teknologia, entretenimendua…horrez gain, norberari bere gai propioak sortzeko beta ere ematen zaio, Google News eta Google alerten bidez. Mundu mailako informazioa jarraitzen dutenentzat, gainera nazioarteko katalogo bat osatu dute hedabide global eta lokalak konbinatuz.
Luzapen hau bateragarria da edozein RSS iturrirekin, Google News-ekin eta Twitter-ekin, hortaz, hashtagak edo web orrialdeak jarraitzeko aukera ere ematen du, egunkari, aldizkari eta gaiez gain. Twitter aipatuta, gainera, norberaren kontu pertsonala gehitzeko aukera ere ematen du, gure denbora lerroa zuzenean jarraitzeko.
NewsTab erabiltzen hasteko prozesua oso sinplea da:
1- Kontu bat sortu behar da (Google edo Facebook-eko kontuak balio du)
2- Gure herrialdea edo interesatzen zaigun herrialdea aukeratu
3- Jarraitu nahi ditugun gai orokorrak aukeratu
4- Nahi izanez gero gure twitter kontua sartu
5- Aukeratu ditugun gaien inguruko albisteak agertzen dira, gaika ordenatuta
6- Behin barruan gaudela aukeratu dezakegu zein hedabide jarraitu kategoria bakoitzean
Luzapen honek dituen abantailen arten, hurrengoak aurki ditzakegu:
• Erabiltzeko erreaza da
• Estetikoki irudi asko ditu eta deigarria da
• Gaiez eta hedabideez gain, sare sozialak ere biltzen ditu
• Konexiorik gabe erabili daiteke, “gero irakurri” erremintari esker
• Podcastak eta bideoak onartzen ditu
NewsTab-ek Youtuben eskegitako bideo honetan laburbiltzen da testuan aipatutako guztia: