Talde baten entrenatzailea izatea uste duguna baino zailagoa da. Ez da batere erraza astero 2-3 entrenamendu antolatzea betiko ariketa berdinak errepikatu gabe. Arazo hau konpontzeko jaio egin zen CoPlays aplikazioa.
CoPlays saskibaloi, futbol, hockey eta floorball jokalari eta, batez ere, entrenatzaileei zuzenduta dagoen aplikazioa da. Bertan entrenatzaileak bere entrenamenduak planifikatu ahal ditu, berak sortutako ariketak eta beste entrenatzaile batzuek partekatu duten ariketak nahastuz. Irudian ikusi ahal dugun moduan, ariketak sortzeko edo editatzerako orduan CoPlaysek era oso adierazgarri eta bisual batean erakusten digu nola egin behar den ariketa eta zenbat dira behar diren jokalariak. Ariketak animatuta daude eta gure ahotsa gehitzeko aukera eskaintzen digute, jokalariek entrenamenduaren nondik noranzkoak jakin dezaten.
Behin eguneko edo asteko plangintza eginda, CoPlaysek automatikoki partekatzen ditu planifikatutako entrenamenduak zure taldekide eta entrenatzaileekin.
KIROL BERDINA PRAKTIKATZEKO MILA MODU
Gaur egun 55856 ariketa ezberdin ditu CoPlaysek. Dena den, katalogo honen indargunerik nagusiena da etengabe eguneratzen den zerrenda dela. Hau da, zuk zure ariketa propioa sortu ahal duzu, eta horrela jadanik ez dira 55856 ariketa egongo, 55857 baizik. Gauzak horrela, ariketa berdina egiteko hainbat modu ezberdin aurkitu ahal ditugu, gure entrenamenduak taldearen beharretara edo momentura egokitzeko aukerarekin.
F.C. BARTZELONAREN LANKIDETZAREKIN
CoPlaysen ezaugarri adierazgarrienetariko bat Barça Innovation Hubekin duen lankidetza da. Akordio honen bidez, CoPlays aplikazioa FCBren datu basearen parte izatera pasa egin zen. Gauzak horrela, aplikazioan agertzen diren ariketak FCBren entrenamendu softwarera pasa egin ziren eta, aldi berean, Kataluniako taldeak bere entrenamenduetan erabiltzen dituzten hainbat ariketa igo zituen CoPlaysera.
CoPlays aplikazioak subskripzio bidezko tresna den arren, doako hilabeteko proba epea eskaintzen du. Behin hilabetea amaituta, hiru tarifa ezberdinen artean aukeratu ahalko dugu. Tarifa basea 70,80 € urtean (5,90 € hilabetean) da.
Oharra: azalaren argazkia keithminer erabiltzaileak igo du Flickr webgunera.